Sjálfboðaliðar

Nú í haust og vetur er mikið um að vera hjá okkur í Íslendingafélaginu. Við í stjórn og nefndum vinnum einungis í sjálfboðavinnu fyrir félagið. Til að geta haldið alla þessa viðburði sem framundan eru, er mikilvægt að geta fengið með okkur fleiri sjálfboðaliða. Hér getiði séð okkar helstu verkefni framundan.

Okkur vantar hjálp frá þér!

Vaktir á Isdager

Okkur vantar vaktir á listasýninguna okkar í Gamle Munch. Hver vakt er þrír tímar, annaðhvort frá 11-14 eða 14-17
Föstudaginn 20. október
Laugardagurinn 21. október
Sunnudagurinn 22. október

Okkur vantar fólk til að sjá um miðasölu og dyravörslu á tónleikunum í Gamle Logen.
Vaktirnar eru frá 17:45 til ca 22. Þeir sem eru á vakt geta einnig fylgst með tónleikunum frá svölunum.

Okkur vantar barngott fólk á barnamenningarhátíðna, laugardaginn 21 október frá 12:30 til 16:00. Við verðum með tíu stöðvar fullum af leikjum og listskapandi verkefnum.

Kökubakstur

Í vetur munum við sjá um messukaffið hjá Íslensku kirkjunni. Okkur vantar aðila til að baka kökur eða annað gúmmelaði sem borið verður fram á Ólafíuhátíðinni 22. október, Aðventuhátíðinni 26. nóvember og jólaballinu 26. desember.

Eldhússtörf

Okkur vantar fólk til að aðstoða með kirkjukaffið. Það þarf að setja upp hlaðborð, leggja á borð, taka af borðum, hella uppá kaffi og ganga frá. Mjög gefandi og skemmtilegt verkefni.
Dagsetningarnar fram að áramótum eru eftirfarandi.
22. Október, Ólafíuhátíð
5. nóvember, Guðsþjónusta
26. nóvember, Aðventuhátíð
26. desember, Jólaball

Þorrablót

Við erum komin á fullt að skipuleggja þorrablótið okkar þann 3. febrúar.
Okkur vantar fólk í eldhúsið, barinn, uppsetningu og frágang.

Margar hendur vinna létt verk!

Ef þú getur hugsað þér að vinna með okkur, skáðu þig hér að neðan og við verðum í sambandi við þig. Við hlökkum til að vinna með fleiri Íslendingum og byggja upp samfélagið okkar í Osló.