Jólaball

Íslendingafélagið í Osló í samvinnu við Íslensku kirkjuna í Noregi, býður alla velkomna á Jólahátíð 12. desember kl.15:30 í Nordberg kirkju í Osló.

Dagurinn verður hlýr og hátíðlegur með mikilli tónlist, jólalestrum og söngvum, og jólaballi.

Jólahátíðin hefst kl. 15:30 með aðgengilegri og ljúfri jólaguðsþjónustu fyrir alla fjölskylduna, og að henni lokinni er jólaball í safnaðarheimilinu.

Það verður heitt kaffi á könnunni og allir taka með eitthvað gott á sameiginlegt kaffihlaðborð.

Gengið verður í kringum jólatré og hver veit nema jólaleynigestur mæti á svæðið með góðgæti í poka.

Hlökkum til að sjá ykkur öll og verið hjartanlega velkomin!